Gaano nga ba kadali?

Gaano nga ba kadali?

Gaano nga ba kahirap intindihin ang isang tao?

Isang taong naghahanap ng kanyang papel sa mundo,

Ni wala nga siyang mahanap na ideya o kasagutan sa kanyang mga tanong kung hindi gulo.

Gaano nga ba kahirap intindihin ang isang tao?

Kung sarili niya mismo hindi niya magawang maintindihan?

Kung siya mismo hindi alam ang kanyang dahilan,

Kung bakit nga ba siya isinilang

Sa mundo nating mapaghusga.

Gaano nga ba kahirap intindihin ang isang tao?

Hindi ito gaya ng simpleng pagbibilang mula isa hanggang sampu,

O simpleng pag wawaldas ng isang libo

Na pinagipunan mo ng dalawang linggo.

Dahil balikbaliktarin man natin ang mundo,

Mahirap intindihin ang isang tao

Lalo na’t pag hindi mo alam ang kanyang kwento.

Pero gaano kabilis husgahan ang isang tao?

Huminga ka lang walang duda ika’y huhusgahan ka nila.

Sumuot ka lang ng maikli

Marami na silang masasabi,

Tulad ng mga salitang "pokpok", "nagalaw na", "malandi yan" at marami pang iba.

Sumuot ka lang ng mahaba,

Pagtatawanan ka na nila.

Dahil sa sobrang makaluma ka

Daig mo pa nga raw si Maria Clara.

Minsan nga pag kakamalan ka pa na terorista

Kahit nananahimik ka lang sa gitna.

Nakakatawa diba?

Pero ayan ang totoo.

Katotohanan ibinubulag ang ating mundo,

Katotohanan mahirap mabago.

Dahil sa mundong ginagalawan natin ngayon,

Huhusgahan ka nila.

Hindi ayon sa diploma’t medalyang natanggap mo.

Huhusgahan ka nila

Hindi ayon sa kabutihan ng iyong puso.

Huhusgahan ka nila

Ayon sa pananamit mo,

Dahil ayun lamang nakikita

Ng kanilang mga mapanghusgang mata.

#rant