Pinagtagpo pero hindi tinadhana.

"Pinagtagpo pero hindi tinadhana."

Ang kwento na siguro natin ang isa sa mga pinakamagandang halimbawa ng katagang ito

Pag ibig na kahit kailan

Hindi na itinangkang ipagpilitan

Para wala ng lumaban,

At nasaktan

Pag ibig na ibinulag ang katotohanan,

At kasalukuyan

Na kahit kailan,

Hindi talaga tayo nilaan para sa isa't isa.

Pag ibig na bunga ng pag mamadali

At kakulangan ng oras at atensyon

Pag ibig na akala mo'y tunay

Pero nababalot lang pala ng kinasanayan

At tensyon

Pero mahal,

Gusto kong ipaalam sa iyo na kahit kailan hindi ako nagsisisi

Kung babalik man ako sa nakaraan yun pa rin ang desisyon na pipiliin.

Dahil kahit hindi tayo itinadhana,

Nagagalak ako ika'y aking nakilala

Sa katunayan matagal na kitang gustong gawan ng tula

Oo, matagal na.

Matagal na kitang gustong gawan ng tula,

Pero hindi alam kung saan mag si-simula

Kung sa masaya ba

O sa aking pag luha

Kung sa pasasalamat ba

O sa pag pa-patawad

Kung sa pananatili ba

O sa pag lisan

Kung sa pag suko ba

O sa pag laban

Kung sa nakaraan ba

O sa kasalukuyan

Pero isa lang nasisigurado ko.

Matagal na kitang gustong gawan ng tula,

Pero hindi alam kung saan mag sisimula

Di alam kung ilang saknong ang magagawa

Dahil sa dami ng tanong na nagawa

Di alam kung may salitang mag tu-tugma

Dahil sa aking nadarama

Di alam kung makakabisado ko ba

Dahil sa haba ng aking na lathala

Pero sana sa huling pagkakataon,

Mapagbigyan mo ko mahal

Hayaan mo 'kong ikwento ka,

Hayaan mo 'kong ibahagi ka,

Sa huling pagkakataon

Sabi nila pag ika'y nag mahal

Ay parang pag taya,

Parang pag sugal

Di alam kung ika'y sasaya,

Di alam kung ito'y mag tatagal.

Basta ang alam niyo,

Mahal niyo ang isa't isa

Basta ang alam mo,

Masaya ka pag kasama mo siya

Kaya salamat mahal,

Salamat sa iyong mga matatamis na ngiti

Salamat sa walang humpay na pagiintindi

Salamat sa masasayang ala ala na kahit kailan hindi malilimutan

Salamat sa mga saya mong idinala sa madilim kong buhay,

Salamat sa mga oras na iyong ibinigay

Salamat dahil buhay ko'y nagkaroon ng saysay,

Salamat dahil ikaw ang naging kasagutan saaking mga dasal

At higit sa lahat,

Salamat dahil nandiyan ka

Salamat sa iyong pag mamahal,

Salamat mahal.

Pero patawad,

Patawad mahal,

Kung hindi ko na matutupad ang aking mga binitiwang pangako

Patawad mahal,

Kung hindi ko na magagawa ang ating mga plinano

Patawad mahal,

Kung ako'y bibitaw na

Patawad mahal,

Kung ika'y bibitawan na

Bibitawan kita hindi dahil hindi na kita mahal.

Bibitawan kita,

Dahil wala ng mas hihigpit sa maluluwang mong pag hawak sa aking mga kamay

Bibitawan kita,

Dahil wala ng mas sasakit tuwing nakatingin ka sa iba habang tayo'y magkasama.

Bibitawan kita,

Dahil wala ng mas iinit sa mga yakap na ibinibigay mo sakanya,

Sa panahon na kailangan kita

Bibitawan kita,

Dahil wala ng mas bibilis sa iyong mga sagot na minsan nga umaabot pa ng dalawang gabi.

Bibitawan kita hindi dahil hindi na kita mahal.

Bibitawan kita,

Dahil sa sobrang pag mamahal ko pala sayo,

Nalimutan ko na mag tira para saakin sarili

Dahil sa sobrang pag mamahal ko pala sayo,

Nalimutan ko na yung mga taong tunay na nag mamahal at na saakin tabi

Dahil sa sobrang pag mamahal ko pala sayo,

Hinayaan kong mabulag ako sa katagang "Mahal kita at mahal mo rin ako."

Sa katagang "Mahalagang mahalaga ka saakin."

Sa katagang "Ikaw lang at wala ng iba."

Dahil sa sobrang pag mamahal ko pala sayo,

Hinayaan kong ako'y mabulag sa katotohanan na nasa harapan ko na pala

Sa katotohanang hindi pala tayo para sa isa't isa,

Sa katotohanang para ka sakanya.

Matagal na kitang gustong gawan ng tula,

At ngayon alam ko na kung saan ako mag sisimula

Hindi sa masaya o sa aking pag luha

Hindi sa pasasalamat o sa pag papatawad

Hindi sa pananatili o sa pag lisan

Hindi sa pag suko o sa pag laban

Hindi sa nakaraan o sa kasalukuyan

Mag sisimula ako,

Mag sisimula ako.

Sa pag tanggap.

Sa pag tanggap na masaya ka na sa iba

Sa pag tanggap na hindi na ko ang iyong kasama sa pag simba

Sa pag tanggap na tapos na ang ating kwento

Sa pag tanggap na hanggang dito na lang tayo

At wala ng hihigit pa.

Sa pag tanggap na kahit mamuti ang uwak,

Kahit bumaliktad man ang ating mundo,

Kahit maging araw man ang gabi,

Sa huli,

Mananatiling babae ka,

At babae ako.

#pagibig